091-921 6336
     info@fdma.gov.pk

 

 

شاور ( پ ر ) قبائلی علاقوں کے تمام بے گھر افراد با لخصوص شمالی وزیرستان کے آ ئی ڈی پیز کے مسائل کو ترجیحی بنیا دوں پر حل کرینگے اور اس سلسلے میں کسی قسم کی کو ئی کو تاہی برداشت نہیں کی جا ئے گی ۔ متا ئثرین کے ایف ڈی ایم اے کے ذمہ بقایا تمام واجبات ، بند سیموں کا مسئلہ ، بکا خیل کیمپ کے مسائل اور واپسی سمیت تمام مسائل کے بارے میں متعلقہ حکام کے ساتھ قریبی رابطے میں ہیں اور متا ئثرین کو بہت جلد خوشخبری ملے گی ۔ ان خیالات کا ظہار ڈائریکٹر جنرل ایف ڈی ایم اے محمود اسلم وزیر نے شمالی وزیرستان کے متا ئثرین کے ایک نمائندہ وفد کے ساتھ اپنے دفتر میں ان کے مسائل سننے کے بعد کیا ۔ ملا قات میں ڈائریکٹر ایڈمن ریاض خان داوڑ ، ڈائریکٹر اپریشن ناصر درانی اور ماتحت عملے کے تمام متعلقہ اہلکا ر بھی موجود تھے ۔ ائی ڈی پیز کے وفد کی سربراہی ملک غلام خان وزیر کر رہے تھے ۔ ملاقات میں ملک غلام خان نے تفصیل کے ساتھ متا ئثرین وزیر ستا ن کے مسائل پر روشنی ڈالی جن میں رجسٹریشن کے مسائل ، ماہوار مالی امداد میں تعطل ، بکاخیل ائی ڈی اپیز کیمپ میں متا ئثرین کے پانی ، صحت اور خواتین کے لئے باتھ رومزکی فراہمی کا مسئلہ ، شمالی وزیرستان میں کام کرنے والی غیر سرکاری اداروں کے بارے میں متا ئثرین کے خدشات اور واپسی جیسے اہم مسائل زیربحث ائے ۔ ڈائریکٹر جنرل محمود اسلم وزیر نے کچھ مسائل کے بارے میں موقع پر ہی انے عملے کے اہلکاروں کو احکامات جا ری کئے جبکہ کئی ایسے مسائل جن کا تعلق سیفران اور پاک فوج سے تھا ان کے بارے میں متا ئثرین کو فوری طور حل کرانے کی یقین دہا ئی کرائی ۔ اس موقع پر ڈائریکٹر جنرل نے وفد کو اطمینان دلا یا کہ وہ یہاں متا ئثرین کے مسائل کے حل کیلئے شب و روز موجود ہیں اور اگر دفتر کے کسی اہلکار کو سستی کرتے ہو ئے پا یا گیا تو اس کے خلاف سخت ایکشن لیا جا ئے گا ۔